Darnach zcog er wider in Sachssenn. Lag die Fastenn zů hildensheÿm. Die
Ostern zů Mersbůrg. Die Pfingsten zů Magdebůrg. Vonn dannen zcog
er gein Alstet. Da er aůch ain Raichstag hinlegt. vnd darnach ein
gantz Jhar Im Lanndt zů Sachssenn was. Vnd war aůch aůff der
kirchweÿhůng zů Mersbůrg vnnd Qůidlingenbůrg.

Im Jarre nach Cristi gebůrt Taůsent vnd darnach im zweÿvndzweintzigsten zcog
der hailig kaÿserr. hainrich. mit aÿnem heer in Jtalien. Vnnd
gewan die Stat New Troia genant. Darnach zcog er
gein Rom. vnd von dannen dieweil ein gros sterbenn in sein Folck kůmmen
was. wider in Teůtzsche Lanndt. Nach dem Reÿn vnd In Niderlanndt Da
er vil tag hielt. Vnd darnach gein Grona zcog.