Nach verrůckůng erstgedachten Jhars zcog der hailig kaÿserr. hainrich. in
das Lanndt zů Franckenn gein Bamberg den hailigen Cristag daselbst
zů halten. Da aůch vil frembdes Folck hin kůmmen was.
Súnderlich aůs vil Bistůmben geschickt. vleissig bitende. nachdem in
Iůngst vergangen tagen. vil Bischoůe verstorbenn warn. sie mit
andern Bischoůen zúůersogen. Derhalben der hailig kaÿserr. hainrich.
hern hůnfrid ErtzBischoff zů Magdebůrg. Herrn Brandago Bischoff
zů halberstat. hern hůprecht zů Meÿssen. Herrn hizo zů prag. vnd etlich
andere Bischoff in ander verledigte Bistůmb setzet. vnd zů Bischoůen verordent