Darnach schicket der Romisch kaÿser. Otto. wider hertzog.
Iselbrecht. vonn Lothringen. vnd den Pfaltzgraůen yren můtwillen
mit krieg vnnd streÿt zůstraffen. Hertzog. Herman. zů Schwaben. Cůnradt.
vnd Vdo. zwen gebrůdere hertzogenn zů Francken Als nůn die
kongische erfůrn das benante zwen Fůrstenn mit eÿnem mercklichen
tail yres heres. aůch mit eynem grossen raůb vbergefarnn weren.
Vnnd ergriffen den Pfaltzgraůen. Eberhardt. den sie nach
ritterlicher streytůng vnnd entpfahůng aůch widergeldůng viler
wůnden. entlich erschossenn. Aber Hertzog. Iselbrecht.
zů lothringen wart. fluchtig vnd steÿg mit vil Lewtenn Inn ein
schiff. Vnnd nach dem es zů ser beladenn was. ertranck er mit
sambt vil andern Vnd ist gescheenn Anno domini.
Neůnhůndert vnnd Viertzig Iharr.