Vnlang darnach fiel der hailig kaÿserr. hainrich. zů Grona wider
in kranckhait. vnnd lag vil zeit kranck. Aůch entlich nach dem er sich
in vil hailigenn vnd kaÿserlichen tůgenden alles vleÿs geůbt hett.
Vnd Bamberg mitsambt vil Closternn aůffgericht. erbawet. vnd gnediglich
begabt vnnd vorsehen. vnd ganntz verbracht vnd bestetigt hett.
wart er von dem Almechtigenn von disem Iammertal gefordert. Vnd
starb also zů Grona an Sannt Margrethen tag. Nach Cristi
gebůrt Taůsent vnd Im Viervnndzweintzigstenn Jharr.