Dieser hailiger kaÿser. Hainrich. wart nach seÿnem tot. von Grona
gein Bamberg gefůrt. Wie er in seinem Testament begriffenn
hett. vnd mit grosser clag vnnd trawrickait aller menschen in dem
mittell seines Stiffts begrabenn. Da aůch sein hailige
gemahell. Die hailige kaÿserin Sannt. Kůngůndt. darnach
ist begraben wordenn. Vnnd hernach baide Canonizirt
vnnd behailigt.