Als der Romisch kaÿser ein gros heer versammelt hett. zů Camerich zcog
er in Franckraich sein Swager zůerlosenn. Da dis Graff Hůgo von
Paris horet. schicket er mit traw zů dem kayser schwerendt beÿ seines Vaters
sele. wie er ain solch Folck beÿeinander hett. das er nÿe soůil gesehen.
So wůste er aůch wol das die Sachssen vnstreitbarr vnd vngeschickt
lewth weren. Vnnd das er wol Sÿben Sechsische Pfeÿll in eÿnem trůnck
vermocht einzůtrinckenn. Darůmb solt er an schaden
widerkeren. Dieser botschafft gab der kaÿser ain spotlich anntwort
Sprechend. So bring ich ÿm wider soůil Frawen hute. Das wider
Hůgo nach sein Vater ÿe soůil gesehenn hat. Als aůch war was.
Wann des heres waren zweÿvnnddreÿsig Legion. Vnd hetten alle
Frawen hůte. an der Apt vonn Corbeÿ mit dreÿenn knechtenn.