Es haltenn etlich Cronicka also. das dieser Romischer kaÿser seÿ aůch
mit gewalt in Behem gezcogen. Vnnd hab obberůrten vngehorsamenn
konig Bolesla. Sůn in der stat Newenstat belegt. Vnnd als
konig Bolesla vonn Behem gesehen. vnd erkent hab. das seinem wenigenn
vermůgen vnmůglich wer. dem Romischen kaÿser zů widersteen. seÿ er
aus der Stat gangen. hab vmb gnad gebeten. die er aůch also. erworben
hab. Etlich schreibenn dieser hertzog sey vonn ym selbst
zům Romischen kaÿser kůmmen. Vnd hab gnad gebeten vnnd erworbenn.