Da kaÿser. Otto. in vil kriegenn glůckseliglich gesÿgt vnd erlegt hett.
wůrdenn die Vngern erwegt sich zůerhebenn wider ÿn. Vnnd sein
streitbarkait vnd crefft aůch zůůersůchen. Vnd zcogenn důrch das
Franckenn Landt. ab sie důrch die Westgegent den Sachssen mochten
einfall thůn. Vnnd erfůltenn alles Landt mit manschlacht vnnd
raůbereÿ. bis an die stat Fůlda. Darůmb kaÿserr. Otto.
an verweilůng den Vngarn mit grosser macht begegent. Vnd geschah ein
harter streit baÿder saits. Aber entlich wůrdenn die Vngarn
in die flůcht gedrůngen. Vnnd yrer der maist tail erschlagenn vnnd
vmb bracht. Vnd aůs vnsern landenn vertribenn. Derwegen der
Romisch kaÿser mit seinem sighafftigenn Folck. frolich wider heÿm
In Sachssenn zcog.