Weÿl nůn des Romischen kaÿsers. Otto. hochwirdig lob seiner vilfaltigenn
vnd grossen Tůgent vnd obsÿgůng. vil zeit her an vil enden
ertzaigt weÿt vnnd breit. in alle landt aůsbrach. wůrden die Romer
vnd alle Welsche Langt [lies: Landt] bewegt seiner koniglich Maiestat heimliche
brieff zůschreibenn. Vnnd ÿn aůffs vleissigst zůbitten. Das er wolt
die bebstliche hailickait vnd gantz Italien von dem wůterlichen
Regiment konig. Berengars. Vnnd seines Sůns. Albrechts. zůentledigen
Derhalben entlich vil Welsche Folcker vnd mechtige
Lewth. welche alle dem wůterlichen beherschen. Berengars ser wider
warn. aůch mit schrifftlicher vntertheniger bit. den kaÿser baten sich
gegen Rom zůfůgen. vnd dieselben Stat. mit sambt allenn Welschen
Landen. von des Berengars tÿrannischen beschwerůng zůentbinden.
Etlich schreiben das die Bebstlich hailickait hab zwen Cardinel neben