allenthalbenn. gnad. gůnst. lieb vnnd fůrderůng von menniglich
erdient. Solcher seÿner tůgenthalbenn. aůch darůmb das er wol
g elart was. Nam ÿn dieser Romischer kaÿser. Otto. an seÿn hoff.
vnnd macht ÿn zů eÿnem Larmeister seiner Sůn. Aůff das er ÿn
darnach bas mocht erfarn vnd bewern. macht er ÿn zů einem Richter
zů Magdebůrg. Vnd gab ym etlich pfleg ein. Inn welchem ampt er
sich aůch so erlich vnnd redlich hielt. das ym nÿmants zů
lieb was. den er nit hett lassenn. nach verdinst seiner vbertretůng.
straffen. Vnnd hielt sich allenthalbenn dermassenn
das ÿn ÿderman liebt. eret. vnd fůrdert. Aůch wart
ym dieser Romischer kaÿser So gnedig das er ÿn als er aůf vleissig
ansůchen Bebstlicher hailickait vnnd aller Lanndtschafft in Jtalien
in Welsche Lannt wolt zciehen. yn zů einem hertzogen zů Sachssen
vnd Lůnenbůrg. vnnd zů einem Stathalter seiner Romischenn
koniglichen Maiestat. diezceit machet. Dem er aůch solch
hertzogthůmb zů Sachssenn vnd Lůnenbůrg gab vnnd bestetiget. Vnd
ym. vnd seinen nachkůmmen den Hertzogen von Lůnenbůrgk ein
plaw en Lewen in eynem gůlden feldt gegeben. zůsambt vil
grossen gůttern an der Elb gelegenn. Welchs
gescheen ist als etlich schreiben. Nach Cristi gebůrt Neůnhůndert
vnnd Im Viervnndsechtzigsten Jar. Wiewol etlich schreiben
das dieser Romischer kaÿser sey zům ersten in Italien gezcogen.
nach Cristi gebůrt Neůnhůndert vnd Im Fůnfftzcigsten Iar. Es
ist aůch keÿn hertzog von Lůnenbůrg genant worden. Hertzogen.
hainrich. Lewen dem Iůngern vnnd hoffertigenn. Der vom
Romischen kayser Friderich Nach Cristi gebůrt Taůsent ein hůndert
vnnd Im achtzigstenn Iar vertriben. seiner hertzogthůmb zů Sachssen
vnd Baÿrn beraůbt wart. Vnd nach dem derselb
vertribenn Hertzog zů konig. Reichhardt. von Engellant kam. beÿ
dem er solch gnad erlangt. Das er ym sein tochterr. Mechtildt. elich
vertrawet. Schenckt ÿm aůch zwen Leopardenn. die er mit
ym heymbracht. Vnd nachdem er von seinenn hertzogthůmben
getriben. vnnd allein Braůnsweig behielt. nenne t er sich Hertzog
zů Braůnswig. Welchen titel er ym darnach lies vonn
kayserlicher Maiestat bestetenn.