dieses newen vnd ersten hertzogen zů lůnenbůrg tůgenden. was er fůr
eyn vbertrefflicher Fůrst gewest. Domit aber noch clarerr vnnd scheiniger
mag werden das kaÿser. Otto. aůs grossen vnd vil vrsachenn. darzu
bewegt ist. werden etlich die mercklischte [lies: mercklichste] geschichte dieses hertzogen
hernach nemlich angezcaigt. Vnd ist wol war das er seiner
tůgent. vnd so hohen glůcks halben gar von viln. vnd seinem eÿgen brůder
gehast vnd verfolget wart. Aber Vnangesehen sein mÿsgůnner vnnd
feindt zcog er aůs befelh des Romischen kaÿsers Otto. mit dem Kaiserlichen
heer in Behemen. vnd wardt den feinden Im ersten einzcog. des Landts zů
tail. Aber er streit Ritterlich vnd behielt das feldt wider sie.

Mit solchem sighafftigen streit. macht ym der New Hertzog
noch grossern hass. vnnd widerwillen seiner mÿsgůnnerr.