Als nůn dieser Romischer kaÿser. Otto. vil benanten hertzogenn
zů Sachssenn vnd lunenburg gesetzt het. vnd alle sachenn In
sein Erblanden. vnnd das gantz hailig Romisch Raich wol versehen.
schicket er sein Sůn Hertzog. Lewtolff. von Swaben vorhin
Welcher auff befelh seins Vatern in Welsche Lanndt zcog. vnd
dieselben. als etlich ser alde schrifft vnd kůrtz nach des grossen
Kaÿsers Otto. Regiment gemacht. melden den merernn
taÿl In Jtalien eÿnnam.