Als dieser Romischer kaÿser in Italien Vierzcigtaůsent. Oder als
etlich habenn. Fůnfftzcig taůsent starck kůmmen was. traff er
den vermeinten konig Berengar Inn Jtalien. zůsambt seinem Sůn dem
vermeinten konig in Franckraich Im VerIůl an. vnd streÿt mit
solchem Sÿg mit ÿn. das er das feldt behielt. sie erlegt. vnd yrer
beder vermeinten Raich in eÿnem streit entsetzt. Wiewol er
ÿn aůs kayserlicher gůte Franckreich genset des welschen gepirgs
aůsgenůmmen der Berner vnd Aqůileÿer marck wider gab.