Als nůn dieser Romischer kaÿser ÿm hochbenante konigÿn Frawenn.
Adelhaÿth. eelichen hett lassen vertrawen. vnd alle sachen zů der
hochzeit diendt beraÿt. schickt er yr sein brůder Hertzog. Hainrich.
von Baÿrn vnter aůgen mit eynem gar schonen zeůg sie anzůnemen.
Also lag er mit yr eelichen zů Paůÿ mit grosser Frolickait
Vnnd kůrtz darnach zcog er sambt seiner newen eelichen gemaheln.
in Teůtzschen. Da ym der Almechtig baldt des nechstfolgendenn
Ihars eÿn Sůn beschert. Otto. nach ÿm Romischer kaÿserr. genant.
Otto. der annder.