Etlich schreiben also. Hertzog Cůnradt vonn Francken der mit
eÿnem Folck von seinem Swager dem kaÿser. Otto. in der Stat
Papia Aderr paůÿn war gelassen. dieselben zúbewaren. hab vberredt den
vermeinten konig. Berengar. der sich ser besorget. dem kaÿser Otto. in
Germanien zůfolgenn. Demnach seÿ Berengar. daraůff
in Teůtzsch Landt gezogenn. vnnd als er fůr Aůgspůrck kůmmen. seÿn
ym die hertzogen vnnd Ambtlewth entgegen kůmmen. vnd yn mit allenn
Eren entpfangen vnd angenůmmen. Vnd seÿ geheissen zůbleyben in der
herberig die ym beraÿt was. Er hab aber inwendig dreÿen tagen
fůr den kaÿser nit kůmmen můgen. Das hab verschmeet hertzog.
Cůnradt. der yn mit ÿm in das Landt gefůrt hett. Aůch desgleichen
hab es verschmeet. Hertzog. Lewtolff. des kaÿsers Otto. Sůn. Vnd
hetten baÿde in verdacht. Hertzog. Hainrich von Sachssen des kaÿsers
Otto. brůder. der Hertzog zů Baÿrn diezeit was. Darůmb das
derselb sich aůch hett wollenn. des Raichs in Jtalien anmassen. vnnd