ein Sloss auff den aldenberg. das dem Closter zugehort. Vnnd wie
demůtiglichenn dafůr ÿn der Apt bat. lies er des nicht. Als nůn der Fůrst
widerkam beclagt sich der Apt des freůels. bitendt das er ÿn von solchem
tÿrannen erlosen wolt. Deshalb der fůrst erzcůrnt an ainem Sambstag
mit wenig seiner diener gein Raÿnhartsborn kam. Dahin er allenn
seinenn Amptlewthen geboten hett. gewapent zůkůmmen. vnd aůff den
Suntag darnach auffs allerfrwest fůrm Aldenberg beÿ Im zůerscheinen
Desselbenn morgens hies er die Monch mit der Procession vnnd
Messenn aůff ÿn warten zcog frw aůs dem Closterr vnd fandt sein
Amptlewth mit heer aůff ÿn harrendt. vnd schnellichen vberfiell er
das Slos das er leichtlich gewan. vnd fieng daraůff den Tÿrann den
er an einer keten gein Reynhartsborn fůret. Also wart
die Proces geordent. vnd der gefangen Tÿrann spotlich an einer
keten. gefůret. vnnd darnach beÿ dem gantzen Ambt vor ÿdermann
steend an der keten gehalden. Nůn wart der Fůrst mit dem
gantzenn heer. mildiglichen gespeÿst. das der Fůrst bezalenn
hies. Vnd da es die brůder nit nemen wolten schůff er
mit disem gefangenn alle ding zůbezaln. vnd sich von den brůdern
zůlosenn. Also wart das Sloss in grůndt zůbrochenn.

Ein Edelman aůs Franckenn. nam dem benanten Closter zů