Raÿnhartsbornn aÿnen wagen weÿns. mit sechs pferdenn. Deshalb
diser Fůrst sein Schloss belegt. Vnnd da er den Ernst des Fůrstenn
sah. gieng er nach seiner freůndt rath. in einem hemde Vnd mit einem
blosen schwert. vnnd ainem strick an dem hals habend fůr den Fůrsten. fiel
ÿm zů fůssen vmb gnad bittendt. gab wider den weÿn vnd die pferdt
Vnd důrch grosse vorbit seiner freůntschafft bleib er kaůmet beÿ leben.

Eins mals da diser Fůrst den Jarmarckt zů Eÿsennach beschawet sah er
einen armen kramer gar mit schlechtem handel. sein narůng sůchendt.
Deshalb er sich verwůndert vnd fragt ÿn ab er sich darůn erneren kůnt
dem er antwort. Důrchlaůchter Fůrst. Ich mag vor alder nÿmmer
dienen. vnd schem mich zůbetteln. Mocht ich nůr sicher hin vnnd
wieder wandern. lies ich mir wol gnůgenn. Nůn wart der Fůrst
mit barmhertzickait beweget. gab ÿm freihaÿt zůhandeln mit ainem
versprůchbrieff. vnd fragt ÿn wie tewr er den kram schatzt. Vnd er.