Da nůn dem Almechtigen giefiel [lies: gefiel] die betrůbt vnd bekůmmert Jůnckfrawen
die zeit die hailig Elisabet zůtrostenn. verstopffet er die mewler der
mÿsgůnstigen vnd bosen menschen die vbels vonn ÿr redten. Wann
der hailig Lanntgraff Lůdwig. nam dise hailige Elisabet zů ainem
gemahel. mer aůs geistlicher dann aůs weltlicher lieb. Dann
dem sitigen Fůrstn gefiel die zůchtig vnnd andechtig Jůnckfraw. vnd
hetten aneinander in der lieb Gotes vber ser lieb. Wann
sie baide ains hailigen leben warnn. Also lag diser lantgraff
Lůdwig mit Sant Elisabet eelichenn beÿ vff Wartberg.