Nach Cristi gebůrt zwelffhůndert vnnd Im aÿnvnndzweintzigistn Jhar Sie
stůndenn beÿ der nacht baÿde aůff. zůbethen. vnd fůrten eÿn harts
lebenn. Got zu eren. Derwegen der lantgraff erbarmet sich
ÿrerr Jůgent. vnd bat sie das sie sich nit vber die masse casteÿet
Vnnd ÿr rwe mer aůfwartet.

Jnn mitler zeit begab sich das Marggraff Dittrich von Meÿssen der
dises Fůrsten schwester Jůtta hett. vnd ÿn zů ainem vormůndt in dem
testament von seiner tůgent wegenn gemacht. vorschÿedt. Deshalb er
trawrig sein schwester zůtrostenn aůszcog. Vnd wart mit grossen
frewden von ÿr entpfangn. vnd zů ainem vormůndt baÿder Marck Meÿssen vnd
Lawsatz gesetzt. da ym aůch baider landt. obirstn schwůrn vnd aůs geheÿs der
Fůrstÿnn in dise Form.