Konig Hermenfrid zů Důringenn hett ein bos vnd schalckhafftigs
weib. mit namenn Alamaberga dasselb richtet allenn zwitracht
zwischenn den brůdern an. Vnd ain mal da konig hermenfrid
essenn wolt. hett ÿm sein Fraw den Tisch nůr halb lassenn deckenn.
Vnnd als er fragt was das bedewt. antwort sie. Der des halben tails
des konigRaichs berawbt wirt. dem zcimpt aůff ainem halben tisch
zůessenn. Důrch solch vnnd ander seins weibs anregen. Nam ÿm
konig hermenfrid fůr. sein andern brůder konig Baderÿ von Důringenn
aůch vmbzůbringenn.