an nach seiner gewonhait důrch weyssenfels nymmer zciehen důrft Aber in
derselbenn stundt schickten die bůrger von weÿssenfels ÿrn aigen boten
Yn vntertheniglich bitendt zů ÿn zůkůmmen. Als er aůch thet Vnd da er
vermeint furt gein dobeln zů zciehen kamen zů ÿm die Bůrger von leÿptzk
ÿn eintrechtiglich bittendt vmb ein besetzúng der Stat. die etwann herr
Dittrich von Stalbach het Innen gehabt. vnd itzt anderweit an wissen des
Lantgraůen besetzt hett. vnd von des wegen das die Marggrefÿn sich wider
verendert. hett. besorgten sie ÿn mocht etwas vbel von der besetzůng entsteen.
Vnd baten den Lantgraůen vmb sicherhait. also traten die in der Stat
die besetzůng zůstůrmen vnd der lantgraff aůswendig. da diss die darInnen
warnn sahen. gaben sie die dem lantgraůen aůff. vnd sie wart zů grůndt
zůbrochen. důrch das wart die Marggrefin bewegt das sie so weÿt das Landt
was briff Schicket yrn brůder den lantgraůen darInnen verclagendt. Da
gegen schickt der Lantgraff aůch brieff darInnen er sich entschůldigt. Aber
die Marggrefÿn besetzt dÿweil mit yrn gůnnern gar schier alle Sloss das
yr bruder der lantgraff wol wost darůmb er zůstundt dieselbige besetzůng
gewan vndverbrant vnd mit gůtem glůck heim zcog. Da er ein kleÿne zeit rwet
vnd keret wider. vnd gewan die besetzůng den Tarant. Dresden. Newnhoůen
Groysck vnd Rochlitzberg vnd besetzt die mit seinen lewthen. důrch
dise vnaÿnickait wart der hertzog von Osterreich betrůbt. vnd nach
vil tagleÿstůng bracht er den brůder vnd schwester zů der vorigenn aÿnickait.

Da diser Lantgraff wider gein Freybůrg kam. wart sein gemahell Sannt.