Elisabet vor ÿm vonn seiner můter verclagt wie sie einen aůssetzigenn
menschen in das Fůrstlich bett. gelegt hett, vnd nam ÿn beÿ der hanndt.
vnnd fůrt ÿn Inn die kammer, das er dasselb personlich sehen vnnd erfarn
solt. vnd als er auffhůb die deck fandt er ein Crůcifix darůnder
ligen. vonn welchem gesicht er ser erfrawet. Sant Elisabet bat solchs
teglich in sein bett zůlegen Vnd sein můter gieng mit schanden Daůonn.

Darnach zcog diser Lanntgraff mit dem Romischen kaÿser Hainrich gein
Bardewick da er febres gewan. vnnd aůff dem widerweg wider gesůnt wart.
Als er aber wider heÿm kam. bestetigt er den Marckt zů weÿssenhawsen
vnnd nam ein das Sloss Reichenbach. vnd zcog anderweÿt mit dem kayser
in Apůliam wol zweÿ Jhar. Jn mitler zeit
was gros tewrůng vnd hůnger in Důringn. wann das getreÿd in das drit.