Jhar verdorbenn was. Deshalbenn Sannt Elisabet ein Spital vnter
Wartberck bawet darInnen sie in abwesen des Fůrsten teglichen acht
vnnd zweintzig arme menschen versorget. Vber das speÿst sie aůch.
wol Neůnhundert arme menschen, vnd gab grosse almosen. da nůn der
Lantgraff an dem widerwege gein Schweinfůrt kam. wart er gewarnet
sich vor Graff Boppenn von henneberg vorzůsehen. Deshalben er die
gantze nacht reÿt. bis er gein wartberg kam. Da er von seiner Frawen
Sant Elisabet. vnd seiner můtter mit grossen frewden entpfangn wart. Da
clagtenn die Ambtlewt vber Sant Elisabet. wie sie also vil vergeben hett.
vnd also vil armer lewt speÿset. Den er antworth. Last sie wol
thůn. vnd was sie wil vmb gotes willen gebenn. Behalt mir allein
Wartberg vnnd Freÿbůrg.

Ains tags stůndt der Lantgraff beÿ der predig des hailigen Magisterr
Cúnradts vonn Wartbůrg. Da er hort wie dieser weniger sůndet.