der da sechzcig mann ermordet. dann der ein kirchen ader gotsgabe einem
vnwirdigenn ader vngelerten befelh. vnd lÿhe. Derhalben befalh
er alle geistliche lehenn seiner Lannde dem selbigen Magister Cůnradt.
zůůerleyhenn. Sich Vnnd sein gewissenn damit aller beschwerůng vnd
daraůs erwachssender sorg vnd ferlickait zůentladenn.

Darnach zcog Langgraff [lies: Landgraff] Ludwig nach seiner gewonhait vmb frids willen
wider gein Meÿssenn. Lawsatz. vnd in das Osterlandt. Da er zwů besetzůng
Sůltz vnd kalckenrewde zůgrůndt lies niderbrechenn.

Von dannen zcog er gein Prag darnach in Merern gein zuoym. da er zwischen
dem Romischen konig. vnd dem konig vonn Behem ein frid machet. vnd
als er wider kam baten ÿn dis [lies: die] Bůrger vonn Erffůrdt demůtiglichen zů,