Wartberg ziehenn lies. Nůn begab es sich das [ergänze: er] eins tags ser frw aůf
stůndt. da noch ÿdermann schlieff. vnd gieng in aÿmem [lies: aÿnem] hemde vnd
darůber mit eÿner schawbenn beclaÿdet. in dem hoff spacirn. da ÿn der
Lewe schnelliglichen anlieff. Also hůb er aůff sein fawst. vnd drawet
disem Lewen ÿn anschreÿendt. Derhalb der lewe gesenfftmůtiget.
die gůtickait mit dem schwantz ertzaigt. sich fůr die fůsse des Fůrstenn
leget. Also hort der hawsman die stÿmme des fůrsten.
sah herab. vnd wecket eÿlendt das hoffgesindt. Vnnter welchen aůch der
Lewenmaister kam. der den lewen baldt wider einsperret: vnd wo er nicht
důrch vorbit wer verledigt worden. het ÿn der fůrst mit hartem
gefencknÿs gestrafft.

Darnach machet lantgraff Lůdwig ein Brůcken zů Creůtzbůrg vber
die Werre. vnd vermehelt sein schwester Agnes dem hertzogen von
Osterreich vnd die hochzeit wart zů Nůrmberg gar fůrstlichen Verbracht.