Da nůn diser Lanntgraff vmb den Namen cristi vnd rettůng dess
hailigen glawbenn vber Meer wolt ziehenn. aůff das er die seinen
nicht beschweret. gedacht er mit aÿgenem gůt vnnd zcerůng die Raÿs
zůůerbringen. vnd als alle ding berait warn. beůalh er seinem brůder
Lantgraůen Hainrich sein Landt. Beschicket allen seinen Adell mit
der Lanntschafft. aůff einen angesetzten tag. aůff die Tretenbůrg
zůkůmmen. mit den er also redt. Ir lieben getrewen vnterthanen.
Graůen. Freÿen. Herren Ritter vnd knecht. Bůrger edel. vnd vnedell
Eůch ist vnůerborgenn wieůil krÿege vnd widerwertickait beÿ zeiten.