Priesterschafft, Frid, gerechtickait vnnd zuůoraůs Got. den dů
fůr mich bitenn solt. So mag dir nichts mÿsratenn. Darnach
gesegent er sein můter, sein weÿp vnnd kinder. kůsset die, vnd kůnt
vor hertzlichem schmertzen die wort kaůmet vorbringenn.

Es was in dem heer ein grosse aůffrůr der geliebten die sich vonn ÿrn
freůnden schÿeden. vnd mit weÿnenden awgen einander ansahenn.
Nůn brach sich der fůrst aůs den henden der seinenn vnd wart ein
gesell der gecrewtzigtenn Pÿllgram sein Landt leÿder nicht mer
zůbesehen. Dem die betrůbte Hawsfraw Sant Elisabet zwen
tag nachfolget. vnnd aůff anregen Schenck Růdolffs vonn
Varÿla. ÿn darnach gesegent.

Aůff das letzt. zcog der Fůrst herfůr sein Secret eÿnen rÿng mit einem
edelgesteÿn dareÿn ein Agnůs dei begrabenn was. vnd reichet denselben.