zů Varila. Er heinrich von Ebersberg Marschalck. Er hainrich vonn
Slatheÿm trůchsses. Er hartůng vonn Erffa hoffmeÿster. Er hainrich
von Vaner Camrerr Er Fridrich vonn drefort. alles Freÿherrn. Er
Lutolff von Berlsteten. Er Rudolff von Bůltzingslewben. Er Bernhart
von Ellende. Er Dittrich vonn Sebech. Er Seÿfrid Roth. Er Lůdwig vnd
Er Růdolff vonn hawsen gebrůdere. Er heinrich vonn Meÿberg Er
Bertoldt von Mÿla. Er Reÿnhart Farch. Er Bernhart von Cappell
vnnd er Bertoldt von heÿlingen. alle Ritter mit Fůnff Priesternn
vnd vil Edellewthen. Der Cůster vonn Naůmbůrg der Caplan. doctor
Iohanns ein artzt. Cůnradůs der Canntzler mit ander mern.

Also zcog der hailig Lantgraff důrch Francken. Baÿrn. Swabenn
das gepirg Lůmbardeÿ vnd Tusciam. vnd kam in Sicilien in die
Stat Troia. Da er von dem Romischen kaÿser mit grossen fraÿden
entpfangen wart. mit dem er zcog in die Stat. Melphia
darnach gein Barem. Darnach gein Monopell. Von dannenn
gein Brůndj da sie sich richtetenn. vberzůfarnn.

Ee nůn der lanntgraff sich aůff das meer gab. sties ÿn das fÿber an.