mit schweren kranckhaiten beladenn. Vnter welchenn vil vnnd sůnderlich
der Lanntgraff gestorbenn seÿ. Aůch vil in sůst schwere kranckheit
gefallenn. Als nůn der kaÿser Fridrich hab erfarn den
tot dieses Lantgraůen. seÿ er zůstůndt kůmmen vnd hab dess
raichen verstorbenn Fůrstn pferd. golt. Silber harnasch vnd die
beste claÿnat vnd getzewg genůmmenn.

Darnach als dises Lanntgraůen diener vnd annder brůder wider vom
hailigenn kůmmen warn. zogenn sie wider gein Ortrant. Grůbenn
aůs ÿrn fůrsten den lantgrauen vnd soten den vleÿssig. Da erscheÿnn
sein gebeÿn vberclar. Das sie in aÿnen schonen schreÿn. verslossenn
mit schonen tůchernn verdeckt. vnd legtenn das mit ainem satel darzů