vnnd betrůbt eůch nit. vmb das. das meÿnem Sůn ewerm gemahel
důrch gotlich verhencknÿs gescheen ist. Daraůs verstůndt die hailig
Elisabet er wer gefangen. Vnnd Sprach. Ist er in gefencknÿs
So mag er důrch Gotes vnnd der freůndt hilff erlost werden. Daraůff die
schwiger sprach. Er ist tot. so ist aůch mir die welt todt. yr hende
In einander slůg sach gein hÿmmel. vnnd sprach mit betrůbtem hertzenn. Jst
er tot. So ist aůch mir die welt tot. vnnd alle weltliche fraÿd.
Mit dieser red stůndt sie aůff. vnd gieng mit vngestÿmmickait. als ab sie
vonn ÿren sÿnnen kůmmen wer. důrch den Sal bis an die wanndt.
Also gingen die lewth die vmb sie warn hinzů. vnd trosten sie mit wortenn.

Also bald Lanntgraff Hainrich des hailigenn lantgraůenn Lůdwigs
bruderr diss Innenn wart. folget er bosem rath. vnd als er Sannt.