einwoner. Da kamen entgegen gelaůffenn Edel vnnd vnedel Bůrger vnd
Pawrnn reich vnd arm. ein grosse schar baÿderlaÿ geschlecht Vnd da
sie fůr das Closter Reinhartsborn kamen. gieng ÿn entgegen mit Crewtzen
vnnd fanen gar ein grosse menig monch. vnnd pfaffenn. die dahin kůmmen
warnn. vnd entphiengn sie mit cleglichem gesang. vnd weÿnenden awgenn.
Desselbenn Folcks was soůil das der walt vnnd alles feldt darbeÿ voll lag. Derhalb
man eÿlet mit dem begrebnÿs in gegenwertickait seiner můterr. seines weibs
vnd Lanntgraůen Hainrichs vnnd Cůnradts. Als nůn das
begrebnÿs in diser gegenwart gescheen was legtenn die Brůder vnd Pilgram
das gebeÿn in eÿn gemachts grab. Nach Cristi gebůrt zwelffhůndert vnnd
Im achtvnndzweintzigisten Jharr. Vnd nachdem der hailig
Lanntgraff disem Closter zů Rainhartsbornn bey seinem lebenn vil gůts
gethan hett. thet er ÿm noch mer gůts in seinem tot. Wann der
almechtig Got důrch sein verdinst beÿ seinem grab vnd gebeÿn vbergrosse
wůnderwerck gewirckt hatt. Welcher ein gantz Bůch
voll zů Reinhartsbornn behaltenn wirtt.

Da nůn ÿdermann hinweg kam blÿben des verstorbenn Lanntgraůen Brůder