Inn vorzeiten sein die Důringenn den Francken. oder als vil achtenn den
Frantzosen in ÿr Lanndt gefallen. Vnd nachdem die Frantzosen ein frid vnd
richtůng zumachen. den Důringenn bůrgen hetten gegeben. totteten sie
Frantzosenn. aůffs aller graůsamst Namen ÿn ÿr gůter. erstachen
die kÿnder. hencktenn die weÿber an die Baům. vnd totten mer dann zweÿhúndert
meÿlen. Die sie zům tail mit den armen aůff die pferd bůnden. vnnd
rissen sie in stůck vonn einander. Etlich breitteten sie
in die wagen leÿsten vnnd fůhrn mit geladenn wegenn vber sie. Vnd
gaben darnach die zebrochenn gebeÿn den hůndenn vnd Fogeln zůůerzernn.