Cristi gebůrt zwelffhůndert vnnd Im SibenvnndFůnfftzigsten Jhar
Vnnd wiewol ÿm Cůnradt des Romischen kaÿser Fridrich des andern
Sůn. als ein gesetzter Romischer konig vonn seinem Vater, vermeint
disenn Lanntgraff Hainrich vom Romischenn Raich zůdringn vnnd
zutreibenn. So woltenn doch vil Cristliche Ritter vnnd mit dem Crewtz
gezaichent disem Lanntgraůenn hainrich helffenn. Er war aber nit
lenger dann ein Jhar Romischer konigk Vnnd sein eingeweÿd
wart in benantem prediger Closter seiner stifftůng zů Eÿsennach begrabenn
vnd sein gantzer leichnam zů Sant katherina vor Eysennach. Ann welches
Jargedechtnÿs der Babst hat vnd die gantzen acht tage vberr allen
den die fůr sein vnnd aller glawbigenn sele bitenn. zweÿ Jhar
ablas in ewickait verlÿhenn.