Rom da er dem Babst Gregorio dem Neůnden beichtet. Der ÿm zů bůs
setzt den Tewtschenn Ordenn an sich zůnemen. Als er aůch hernach thet.
Nach Cristi gebůrt zwelffhůndert vnnd Im viervnnddreissigsten Jhar.
Er gab aůch grosse Almůsenn vnd speiset teglichen Viervndzweintzig arme
menschen. Darnach zcog diser Lantgraf gein
Fridislarr da er von den einwonern aůff der erden gestreckt gnad vnnd
vertzeihůng seiner mÿssthat bat. Er gab ÿn aůch vil priůilegia
Bawet das Můnster wider vnd setzt an der Můnchen stat Thůmherren. Er
gab aůch den hoff zů Greÿfstet dem Spital Sant Elisabet zů Martbůrg.
Diser Fůrst ist entlich wordenn der Erst hohmaister des Tewtschen ordens.
In welchem standt er nit lang lebet. vnd wart zů Martbůrg in hessen
begraben. Also verstarben dise Lantgraůen alle
an menliche erben vnd samen.