den rawbern vnnter Aůgen Welchenn die von Eÿsennach vnd Creůtzberg
nachfolgtenn. Da nůn die rawber sahenn. das sie vmbringt warn,
teiltenn sie sich in zweÿ teil, vnd hielten ÿrem gegentail beÿ dem
horselberg fůr kreůtz darnach fieln sie den hawbtman Von Crewtzberg.
Vnnd sein Folck an. Welcher als er sich Lang mit den rawbern
geslagen hett. schicket er zů den vonn Eÿsennach das sie woltenn schleůnig
nachfolgenn. Also eÿlten die von Eÿsennach aůff dem Fůs gantz williglichenn.
vnnd nach dem sie kaÿn ordnůng hettenn. wůrden sie zůstůndt vonn
gemelten rewbern vberfallen. nidergelegt. gefangen. erstochen. vnd zům
tail mitsambt dem Vÿh hinweg gefůrt. Also wart aůch
der hawbtman vonn Tennenberg gefangen vnd weg gefůrt.

Die zeit fieng Graff Bertoldt vonn keffenberg denn Bischoff von,