Als nůn das verlůbdnis gescheenn was. entsagt der Hertzog Albrecht
vonn Braůnschweig dem Marggraff Hainrich zcog mit heer Inn das
Lanndt zů Důringenn. vnd thet da vil rawbens vnd schadens. zcog
aůch mit der hertzogin gein Eÿsennach in die Stat. Vnnd legt vil
Folcks dareÿn. wider die Jhenige die Wartberg Innen hetten.
vnnd thet dem Marggraůen vnnd allenn seinen gůnnern
Inn Důringen vil schadens.