gab. vnnd hielt ÿn erlich. Aber die zwen konige ain mal aůff ain
statmaůrn mit eÿnander redtenn. sties eÿner konig hermenfrid hinderwertigs
vonn der Maůrn Da er aůch tot blÿb. Vnd wiewol konig Dittrich
nichts wolt darůmb wissenn. Doch hieltenn es vil dafůr das es důrch
sein geschefft gescheenn wer.

Die Důringsch Cronicka hat also. Das konig hermenfrid hab konig Dittrichs.
schwester gehabt. vnnd dennoch ÿm fůrgenůmmen ÿn vmbzůbringenn. Darůmb
seÿ konig Ditterich Inn Důringen getzogen. vnd hab ÿn beÿ Růnnenberg
vberwůnden. vnd bis gein Schÿdingen getriben. Darnach seÿ
konig hermenfrid von seinen eÿgen Rethen vmbgebracht.

Etlich Cronicka habenn also das nach Cristi gebůrt Vierhůndert vnnd Im