Aber der Almechtig wolt seiner hailigenn belaidigůng nicht lenger
leÿden, Sundern folget So vilfaltigem vbell mit kůrtzer
straff, Wann der Schenck Rudolff vonn Varÿla gar ein streitbar vnnd
sÿghafftiger Ritterr mocht des hertzogen vonn Braůnsweig homůt nit lenger
důlden vnnd versammelt sich heimlichen mit seinen freunden vnd
gůnnernn mit hůndert verwapenten Edellewthen vnd seinen knechten gein
Leiptzk Da er aůch die Sůn die Jůnge Marggraůen Albrecht vnd Dittrich
fandt. Also gab der Schenck Rudolff vonn Varÿla benanten Iúngen
Marggraůenn disen rath, das sie schnelliglichenn soůil sie mochten
aůffbringn streitbarer Lewth versammelten mit dem Hertzogen von Braůnsweig
zústreitenn. ee mann seiner zůkůnfft Innen wůrd. Wann,