an dem andernn tag am Abent der hailigen Apostell Sannt Sÿmon
vnd Jůde fanden sie den hertzogen vonn Braůnswig vor Wittÿn ser frw.
Der sich dermassen gewalt in kaÿn weg forchtet. zustůndt vberfieln
sie ÿn. vnnd schicktenn sich mit ÿm zůstreiten. vnd striten mit ÿm
gar hertiglichn vnd geschah vleissig gegenwer von ÿm. Aůch weret
der streÿt auff den mittag das kaÿn tail wider gewan noch verlor.
Entlich da die Sachssen wider zů der flůcht nach zům streÿt gnůgsam
geschickt warn. wart der Hertzog vonn Braůnsweig verwůndt vnd gefangn.
Darůon die Ordnůng zudrennet wart. vnd der Sachssen bis aůff den abent
vber vil erslagenn wůrden. Der wenigst tail mit der flůcht hinweg kam.
Die andern wůrden alle gefangenn. Vnd Nemlich Graff Heinrich von
Anhalt. Graff heinrich von Swerÿn vnd Graff Hanns von Ebersteÿn. Aůch
newn Ritter Sybenhalbhundert Edeln vnnd vnEdeln. vnd mer dann Taůsent
pferd, vnd wůrdenn also alle gefangenn gein Leÿptzick gefůrth.

Also must sich der hertzog vonn Braůnsweig losen vmb acht Slosserr
an der Werre gelegenn. Nemlich Eschwege. Aldendorff. Wÿtzenhawsen