Forstensteÿn. Arnsteÿn. Pÿlsteÿn. Wanfridenn. vnd noch ainem
bey Aldendorff gelegen. Aůch můst er sein vorgedachte Graůenn
vnnd Edelnn vmb achzehen tawsent marck silbers losenn.

Vnnd nachdem der hertzog vonn der hertzogÿn besoldet war wordenn.
můst sich die hertzogÿn aller ÿrer gerechtickait die sie in Důringenn
die zeit hett. ader Inn zůkůnfft verhofft zůerlangen. verzeÿhenn.
Also entphieng die hertzogÿn alle itzbenante Slosser mit yrnn zů vnd
eingehorůng fůr ÿre vnnd ÿres Sůns gerechtickait. Vnnd
als alle sachenn mit dem aÿdt verfast. vnd beslossenn warnn. wart.
der hertzog mitsambt den seinenn ledig gelassen. Darnach
besas der Lantgraff Důringn gerwlichen vnd an alls einred. Also
wart benanter schwerer krieg der Newn Jhar gewert hett. beslossen vnd
hingelegt. Dieser Lanntgraff Hainrich hat nach
Erstertzeltem glucklichenn streÿt vor Wÿttin Got zů Danck vnd lob. vnd
zů ewigem gedechtnÿs in Sant Thomas kirchen zů Leiptzk teglich zů
ewiger zeit ein gesůngn messe von vnser liebn Frawen. gestifftet.

Diser Lanntgraff Hainrich wart am ersten genant der Důrchlaůchtig

Fürst.

6

verte. 6. folia.