weibs Jůnckfraw Kůngůndt von Eysenberg genant, bewegt.
Welche aůch die Schon kungůndt genant wart. Vnd Wiewol
er mit seinem weib berait Dreÿ Sůn hett gehabt. fiel er in solch
boshait vnd torhaÿt das er die selbenn dreÿ Sůn mit sambt seiner
Frawen ÿrer můter fůrnam zůtotenn. Da nůn solchs der alt
Lantgraff Heinrich des Lantgraůen Albrechts Vater erfůr. nam
er Lantgraůen Albrechts seins Sůns eldisten Sůn. Heinrich In sein
bewarůng. Welchen darnach sein Vater enterbet an alle redlich
vrsach. Derhalbenn er ane Lanndt genant wart.

Jnn mitler zeit beslos Lantgraff Albrecht sein tůgentreichs weÿb mit
gifft vmbzubringn Als er aber solch fůrnemen wider důrch sich
noch důrch andere mocht enden. fordert er fůr sich eÿnen armen
knecht. der da teglich mit zweÿenn Eseln holtz gein Wartpůrg pflag
zůfůrn. vnnd geredt ÿm heimlich gros geldt. wenn er sein Frawenn
die

Lantgraůin tödeth

verte. 6. folia, #