6 Fůrst, vonn wegenn des Landts zů Důringn. das er von seiner můter erbet,
mit streÿt behielt, vnd von dem Romischen kaÿser Růdolff vonn
habsbůrg mit vil gelds erlangt. Wann vnnter
allen seinen vorfordernn was keÿner der ÿm hett můgen gleichen an
reÿchthůmb, gewalt. Weÿsshait, vnd vorsichtickait.

Beÿ dises Fůrstenn zeiten was das Ertz zů Freÿberg so frůchtbar das er
grosse Ern mit silber erfůllet. vnnd das er hett můgen vil Landts kawffenn
Wo er selbst hett gewolt. Aber er gedacht an den Sprůch des weÿsen Dů
solt nit in geitzickait vbergeen die Landt deiner eldern. Dan alles das sein
Eldern besessen hettn. besas er aůch mit grossem frid vnd wirden. Vnd wůrd
genant ein fridlicher Fůrst, vnd ein liebhaber der gerechtickait.