#Lantgreůyn toteth. vnnd můst ÿm Daraůff schweren solchs zůůerschweigenn.
vnd keinem menschen aůff erdenn zůmeldn. Daraůff der arm knecht
ser erschrack. vnd aůs grosser forcht vnd betrůbnÿss. zůmersten
gar kain rath beÿ ÿm wost zufinden, Vnd nam ÿm darnach fůr weg
zůlawffen. Aber in solchem fůrnemen beforcht er. er mocht in
der flůcht begriffen vnnd gefangen werden. Vnd als ein grosser teter
vnůerschůldt vmb sein leip vnnd leben kůmmen. Weÿl
er nůn gar nit willens war solch angeboten grawsam vnthat zúůerbringen.
vnd dis aůch nicht důrfft versagen. geredt er. wiewol allein
mit dem můndt, vnd nicht mit dem hertzenn: solchs zůthůn. Vnnd
verhies dem Lantgraůen sein frawen in nechstfolgender nacht
In gestalt eÿnes bosenn gaists zůerwůrgn Wenn ÿm. ÿr
kammer wůrdgeoffent werdenn.

Da nůn die nacht kam. gieng benanter arm Esell treiber heÿmlich
in der Lantgreůÿn kammer. fiel fůr sie aůff sein knÿe. mit.