Vnnd das sie aůs besorgůng dů wůrdest sie derhalbenn straffen, dir
entwordenn seÿ Wiewol mich solchs als deinenn brůder ser betrůbt.
So erfrawet mich doch. das dů dich an ÿr nicht vergessenn hast. In
ansehůng das sie aines Romischen kaÿsers in vortzeiten tochterr
ist. vnnd vil mechtigen vnd reichen Fůrstenn mit mogeschafft vnnd
schwagerschafft bewant. Darůmb las sie sich nÿten in frembden
Landen an ÿr mitgifft, vnd setz dein hertz zů frid. Wann dů kanst
ÿr mit der zeit wol vergessenn. Abe das dů aber solchs dester besser magst
thůn. So las mich dein kinder mit mir heÿm nemen. Dann wenn die
kinder in deinem awgenscheÿnn bleÿben. So hettestů dester mer
vrsach an dein Frawenn zůgedenckenn. dann sůst. Vnnd wiewol er
solchs aůff ein andere maÿnůng thet. doch bracht er die kinder mit
disen vnnd andern gůten wortenn vonn ÿm.

Jnn mitler zeit hielt sich Lanntgraff Albrecht an benant weÿb die