vnmaÿnůng, vnnd wolt ÿe sein Sůn wiewol gar vnuerůrsacht enterbenn
Vnnd das Landt zů Důringn seinem Bastardt Albrecht Apetz zůwendenn.
Derhalbenn er aůch nach abgang seiner eelichen Frawen. die vilbemelt Kůngůndt
von Eysenberg zů der ee nam. Lies aůch seinen bastardt von dem Romischenn
konig Růdolff eelichenn. vnd bracht ÿm zů wegen zů seinem Wapen des Lands
wapen mit einem gehelmtn lewen. Dÿweil er ÿm aber důrch verhinderůng
der gantzen Lantschafft zů Důringn gantz Důringn nicht mocht gebenn.
gab er ÿm Tennenberg mit aller zů vnnd eingehorůng. Als nůn die Graůen
vnd herren des Lands zů Důringen ÿn zů kaÿnem herren wolten haben. verkaůfft
Lanntgraff Albrecht die maisten Slosser vnnd gůter. vnd macht parschafft
daraůs. die er er ÿm vnnd seiner můter gab. Darůon aůs anregůng etlicher
Edelnn ein gros vnaÿnickait zwischen Lanntgraff Albrecht vnnd seinen
Sůnen erwůchs. Nach Cristi gebůrt zwelffhůndert vnd Im ainachtzigstenn.
Jhar. Die zeit was Fridrich sein Eldister Sůn. Sechzehenn. vnd
sein brůderr Tÿtzman Fůnffzehen Jar alt. Also hieltenn es die Bůrger
von Erffůrdt mit sambt den Graůenn von keffernberg. Molberck. vnnd Gleichenn.
mit dem Vater. Aber die Graůen vonn schwartzbůrg vnd Beichlingenn
Aůch die herren von heldrůngn vnd Slatheÿm halffen den Iůngen Herren.

Inn disem krieg wart ein mechtiger Herr des Tewtschen Ordens ein Rath