Darnach stůnden die Sachssenn frůe aůff vnnd stůrmten die Stat
Schidingen. Da konig hermenfrid mit sambt seiner eelichen Frawen vnd
etlichen kindern Innenn war. Derhalben konig Hermenfrid
zůsambt den Důringen die er beÿ ym hett. aůs der Stat zcogenn.
Also gieng ein so harter krieg an. das beder seits vil Folck tot blÿb.
vnnd verwůndt wart. Vnnd sůnderlich wůrden etlich taůsent
Sachssenn erschlagenn