Vnnd an alle veterlich erbarmůng vnnd mitleÿden gar schier ein gantz
Jhar hart gehůngert vnnd Jhemmerlich gehalten. Also wart er darnach
einmal fůr sein Vater gebracht. Vor dem er aůff sein knÿe fiell, vnnd
Sprach. Mein lieber Vater schon mein. vnd erbarm dich vber diss meÿn
vnglůck, eindechtig Veterlicher trew vnd der menschen gebrechlickait
vnnd betracht, das ich ÿe dein fleisch vnnd peÿn bin. Du hast dann
gar kaÿn erbarmůng in dir mer. Warůmb verfolgst vns. dein vnschůldige
kinder so vbergrÿmmicklichenn. Aber es halff kaÿnn biten. Sůndern er
wůrd wider eingelegt.

Als nůn Lanntgraff Albrecht důrch kaÿn bit. nach zcehern. vnd anlign
zů erbarmůng gegen benantm seinem Sůn mocht erweicht werdenn.
Sundern ganntz beÿ ÿm besloss. ÿn Im thůrn zů tot hůngern. Da
solchs die fůrnemste an des Lanntgraůen hoff merckten wůrdenn sie.