Dittrichs des Feÿstenn zů Lawsatz vnd Im OsterLanndt Sůn. Vnnd
nachdem er an kÿnnder verscheÿdt. machet er zů seinen erbenn aůs
geheÿs seines Vaters sein Vetternn des Lantgraůen Sůne. Herr Fridrich
vnnd herr Tÿtzman. Lies ÿm aůch beÿ seinem leben die Lantschafft
hůldenn. Vnnd machet Fridrich zů ainem Marggraůenn Im
OsterLandt vnnd zů Meÿssen. vnnd Tytzman ein Marggraůenn zů
Lawsatz. mit grosser gůnst vnnd verwilligůng der Lantschafft.
des Adels vnnd des gemeÿnen Folcks.

Als Lantgraff Albrecht sah das er der Landt Lawsatz vnd Im OsterLandt
entsetzt was. wart er vil serer bewegt dann vormals. vnd Saget. So ich
werd von meinem erb gedrůngn vnd entsetzt. wil ich aůch das Landt
zu Důringn nach meÿnem gefallen leÿhenn. wem ich wil. Vnd zcog
daraůff fůr den Romischen konig Růdolff ein gantz Jhar zů Erffůrdt