gelegenn was. vnd verclaget seine Sůne. Aber der Romisch Konig
gab seinem clagen wenig stat vnnd zůfallens. Sundern redt also mit
ÿm. Lieber Lantgraff Albrecht last eůch benůgen. an Důringn
Welchs der bestenn Landt ains ist. in Teůtschen Landen. Vnd In vorzeitn
eůch vnnd ewr Vettern alle statlich erhalten vnnd erneret habenn.
Last ewer Sůne andere Landt regirn vnd verwalten. als LanndVogt
Wann getrewer Ambtlewth můgt ir nicht habenn. dann ewer Sůn.
So mag ein solch gros vnd weit Fůrstnthůmb mag von ainem allein nit
regirt vnd verwalt werdenn. Darůmb můs ein Fůrst Lewth habenn.
die ÿm sein Landt vnd lewth helffen regirn vnd versehen. Derhalbenn
nembt nichts vnfridlichs fůr Sundern halt ewr Sůn vor ewr kinderr
Vnd last eůch in kaÿn weg bedůncken getrewer Ambtlewth zůerlangn. dann
sie sein. So dann werden sie eůch als ÿren Vater lieben vnd eren.
Wann sie werden merckn das ÿr sie liebt. vnd haltet ewr Sůne fůr sůne So
werdenn sie eůch sůnderzweiůel in allen sachn kintlichn gehorsam laistn.

Aber Lanntgraff Albrecht bleÿb in seinem fůrnemen widerwillen