gegenn seinen Sůnen. Vnnd mocht nicht erweicht werdenn zů
Veterlicher gůte aus gedachter Romischer koniglichn Maiestat anreden.
Wiewol er sich gegenn dem Romischn konig nicht liess merckenn. als
er noch seinen Sůnen vngenaigt wer. Stellet sich aůch mit
allen dingn frolich. vnd hielt die hailign Pfingstn beÿ dem Romischn
konig zů Erffůrt. Aůch machet er aůs geheÿs des Romischn konigs.
am hailign Pfingstag Sechzehenn Ritter. Von welchen er ainem
ÿeden ein Búndt claÿdt. ein vergůltn gůrtell. ein schwert. sporn. vnd
pferdt schenckt zů neÿdt vnd nachteil seiner kinder. Derhalbn er aůch
vil koniglichen hoffdienern Rethen vnnd gewaldign grosse geschenck
vnnd kostliche klaÿnat gab.

Da nůn der Romisch Konig wider heÿm zcog zůstůndt entsaget er
seinen Sůnen. vnd bracht mit grossem geldt zůwegen das er sich mit